Сәлеметсіз бе, Балхия! Қажылық - тек шамасы келетін мұсылманға парыз.  Құранда: «مَنِ اسْتَطَاعَ إِلَيْهِ سَبِيلاً – Оған баруға шамасы келетінге...», - делінген[1]. Қарызданып-қауғаланып қажылық парызын өте деп шариғат бұйырмайды. Оның үстіне кредитке ақша алу да діннің тыйған нәрсесі. Қажылық харам жолмен орындалмайды. Орындалған жағдайда қажылық жасау парызынан құтылған болып есептелгенімен, ол үшін берілетін сауаптан мақрұм қалады, әрі онысы Алла тағала алдында қабыл етілмейді дейді ғалымдар. Өйткені, Пайғамбарымыз айтпақшы, «Күмәнсіз Алла – жақсы. Ол тек жақсыны қабыл етеді»[2].