Уағалейкум әссәләм! Сұрағыңызға Пайғамбарымыздың мына бір хадисі нақты жауап болады деп ойлаймын: «Сахих Бухариде» келген хадисте Айша анамыздан жеткен риуаятта сахабалар Алланың Елшісінен (с.а.у): «Бізге кейде біреулер ет алып келеді. Бірақ ол еттің бисмилләмен сойылғанын немесе сойылмағанын білмейміз?», – деп сұрайды.Сонда әрдайым үмметінің жағдайын ойлайтын Ардақты Пайғамбарымыз (с.а.у): «Бисмилләны» айтып жей беріңдер», – деп жауап берді»[3]. Бұл жерде Пайғамбарымыз (с.а.у) мұсылмандардың сойған еті жайында жеңілдік танытып, арам екендігін нақты білмейтін болсақ, оның адалдығына үкім беретіндігін астарлап тұр.