Түркияда бір жыл ішінде тәжді тажал инфекциясынан 28 мыңға тарта адам қаза тапса, темекі өнімдерін тұтынудан 120 мың адам бақилық болған. Олардың бес мыңы анасы жат әдетке бой алдырғандықтан жарық дүниені көре алмай, құрсақта жатып шетінеп кеткен шараналар. Бұл жайында islam.kz порталы өз кезегінде Медицина ғылымдары университетінің ректоры, профессор Жебдет Ердолға жөн сілтеген «Анадолы» ақпарат агенттігіне сілтеме жасай отырып мәлім етеді. Түрік профессорының айтуынша, Дүниежүзілік денсаулық сақтау ұйымы шамамен 100 млн адамның осынау жат әдеттен бас тартуына көмектесетін науқанды бастады. Осылай деген ол шылым шегу де тәжді тажал пандемиясы секілді күллі әлем тұрғындарының денсаулығына қауіп төндіріп тұр.