Басында Қытай билігі Ухан қаласында тіркелген коронавирус  адамнан адамға жұқпайды деп сендіруге тырысқанымен кешегі мәлімет бойынша алты адам бақилық болған. Осы уақытқа дейін 14 дәрігер жұқтырған. Ал аталған дертті жұқтырғандардың жалпы саны 324-ке жеткен. Соңғы дерекке қарағанда, Гонконгта, Таиландта, Жапонияда және Оңтүстік Корея секілді көрші елдерге таралып үлгерген. Әлеуметтік желіде аталған дертті жамап алған науқасты тасымалдау сәті бейнеленген видео жарияланған. Бұл таспаға тартылып қалған көріністі YouTube арнасынан да көре аласыздар. Аталмыш видео Гуандун провинциясына қарасты Хойчжоу қаласында түсірілген. Десе де бұл видеоның коронавирус жұқтырған науқаспен байланыстылығы ресми расталған жоқ.