Сириялық Айлан Курди есімді үш жастағы бала анасымен және бауырымен суға кетіп өлді. Сириядағы соғыстан бас сауғалап, Грекияға бет алған қайықтағы сириялық отбасының бұлай опат болғаны миллиондаған адамның қабырғасын қайыстырды. Үш жастағы баланың мәйіті түрік жағалауынан табылды.  Суға кетіп өлген баланың жағалауда етпетінен жатқан мына фото-суреті әлеуметтік желіге жарияланған болатын. Артынша Twitter әлеуметтік желісінде көктей солған бала турасында жүздеген туынды жарияланды. 

Үш жастағы Айлан мен оның бес жастағы ағасы және анасы мінген қайықты 17 адам болған. Қайық аударылған. Тек әкесі Абдулла Күрді ғана аман қалған.