ЮНИСЕФ баяндамасында көрсетілгендей, балалардың толықтай бір буыны білім беру жүйесінен тыс қалуда.

Қордың аймақтық бөлімінің басшысы Питер Саламаның айтуынша, Сирия, Ирак, Йемен және Ливиядан босқындардың Еуропаға қарай ағылуына осы білім берудің жоқтығы себеп болған.

Мектептерге жасалған шабуылдардың салдарынан мұғалімдер жан сақтау үшін шет мемлекеттерге қашуда. Сондай-ақ, мектеп ғимараттары үйсіз қалған тұрғындардың паналайтын орнына айналып отыр.

Саламаның айтуынша, босқындарды қабылдап жатқан Еуропа елдерінің өзі олардың балаларына тиісті білім бере алмай келеді.