Қытайдың  Unitree Robotics компаниясы маймыл секілді жылжып, бетон қабырғаны құлата алатын, ең бастысы, көлікке айнала алатын ірі робот құрастырды. Бұл жайында islam.kz порталы Naked Science мерзімді басылымына сілтеме жасай отырып мәлім етеді. GD01 деп аталатын модел ірі тұрқына қарамастан түрленуге бейім, яғни, трансформацияланады. Азаматтық, яғни, бейбіт мақсатта пайдаланылатын ерекше роботты адам тікелей басқарады. 180 градусқа дейін иіліп, бүгіле алатын робот оператордың (басқаратын адам) салмағын қосқанда шамамен 500 келі тартады. Ең басты артықшылығы - трансформацияланатындығында. Құрылыста, ауыр конструкцияларда, орындалуы қиін өзге де істерде пайдаланылуы мүмкін.