АҚШ-тың Канзас штаты аумағындағы зымыран шахтасын әскери немесе басқалай апат төнгенде бас сауғалайтын жайлы курортқа айналдырды. Бункер Survival Condo деп аталады. Оған 75 адам еркін сыяды әрі онда бес жыл алаңсыз өмір сүре алады. Бұл жайында islam.kz порталы interestingengineering.com ақпарат көзіне сілтеме жасай отырып мәлім етеді. Стандартты бөлмелерден (асүй, жатын бөлме, т.б.) бөлек, 230 000 литр су сиятын хауыз, кинотеатр, жаттығу залы, медициналық мекеме, жартасқа өрмелеу қабырғасы, тіпті, ит серуендететін баққа дейін бар. Аталмыш жобаны әзірлеген Ларри Холлдың айтуынша,  конструкцияның бастапқы нұсқасы Atlas E/F модификацияланған баллистикалық зымыранға арналған ядролық шахта болатын. Нысан орналасқан жерінен 1 шақырым шегіндегі аумақта жарылған 20 килотонналық жарылысқан төтеп беретіндей етіп жобаланған. Бункердегі пәтердің бағасы 500 мың доллардан бастап 3 млн долларға дейін.