Роботтың аяқ-қолы ауыр компоненттермен және заттармен жұмыс істеуге, ал жоғарғы аяқ-қолы ұқыптылық пен тұрақтылық маңызды болатын нақты операцияларға арналған. Бұл жайында islam.kz порталы South China Morning Post ақпарат көзіне сілтеме жасай отырып мәлім етеді.

Ең алдымен тұрмыстық техника бұйымдарымен танымал қытайдың Midea Group корпорациясы жұмысты адамға қарағанда жылдам және тиімдірек орындауға қабілетті жаңа буындағы өнеркәсіптік роботты таныстырды. Алты қолы бар MIRO U роботы Greater Bay Area New Economy Forum шарасында жұртшылық назарына ұсынылды. Технология өнеркәсіпті терең автоматтандыру бағытындағы елеулі қадам болды.

Адамның көшірмесі емес, жұмыс құралы

MIRO U тек ішінара адамға ұқсайды. Оның биіктігі бойынша үйреншікті жұмыс аймақтарымен сәйкес келетін басы мен денесі бар, осымен адамға ұқсастығы аяқталады. Роботтың екі қолының орнына әрқайсысы жеке басқарылатын алты бионикалық аяқ бар. Бұл оған бір мезгілде бірнеше операцияларды орындауға мүмкіндік береді, мысалы, бөлшектерді тасымалдау, түйіндерді жинау және элементтерді бекіту секілді жұмыстарды атқаруға мүмкіндік береді.

Робот тұрған орнында айналуға мүмкіндік беретін осьтік негізге немесе тұғырға орнатылған, бір орнында 360 градусқа бұрыла алады. Қосымша тік көтеру жүйесімен жабдықталған.

Неге ол адамдардан жылдам

Midea Group вице-президенті және техникалық директоры Уей Шангтің айтуынша, MIRO U әзірлеу кезінде инженерлер толық адам тәрізді идеядан әдейі бас тартқан.

«MIRO U-ның басты құндылығы - нысанды қарапайым үлгілеу шеңберінен шығып, өндірістік жағдайда операциялық тиімділікк қол жеткізу», - деп атап өтті ол.

Роботтың аяқ-қолы ауыр компоненттермен және заттармен жұмыс істеуге, ал жоғарғы аяқ-қолы ұқыптылық пен тұрақтылық маңызды болатын нақты операцияларға арналған. Құралдарды жылдам ауыстыру және бірнеше әрекетті бір мезгілде қатар орындау қабілетінің арқасында MIRO U бірден бірнеше жұмысшыны немесе арнайы машиналардың тұтас жиынтығын алмастыра алады.