7-қараша күні Астана қаласындағы "Конгресс холл" сарайында "Текті сөздің төресі - терме" атты республикалық термешілер байқауы болып өтті. Әр облыстың жыр дүлдүлдері қатысқан айтулы шараға 26 жыршы-термеші қатысты. Суырылып алғашқы ондықтың қатарынан табылған Астаналық Елмұра Жаңабергенова бас жүлдені (жеңіл автокөлік) иеленсе, Батыс Қазақстан облысынан келген Армат Исламғалиев 1-орынды (1 000 000) еншіледі. Ал, Қызылорда облысынан Серік Жақсығұлов 2-орынға (750 000), үшінші орынға Алматы облысынан Ерболат Шалдыбеков (500 000) лайық деп танылды.

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті аталған жобаны бұдан да жоғары деңгейде жыл сайын тұрақты түрде өткізуді жоспарлап отыр.