Отандық жаңа мессенджер «Қалайсың?» деп аталатын болады, деп хабарлайды Baq.kz ақпарат агенттігі Mail.kz порталына сілтеме жасап.

Әзірлеушілердің айтуынша, қазіргі уақытта мессенджер портал пайдаланушылары мен бірқатар ұйымдарда сынақтан өтіп жатыр.

«QALAISYŃ» мессенджерінің ерекшелігі серверден алшақ және смартфондар арасында шифрленген байланысты тікелей орнату арқылы пайдаланушылардың бір-бірімен әңгімелесуінде болып отыр. Сонымен қатар, өз хабарламаларын басқару, бейне және аудио хабарламалар жолдау қызметтері бар, сондай-ақ, электронды төлемдер қызметі де қарастырылған. Сұхбаттасушы адамды іздеу мүмкіндігі оның басты ерекшелігі болады.

Аталған мессенджер iOS, Android нұсқалары мен web-нұсқасы да болады.