Қасиетті Миғраж түнінінің құрметіне Саран қалалық мешітінде тәлім алып жатқан шәкірттер арасында Құран жарысы ұйымдастырылды. Саран қалалық мешіттің бас имамы Мұхамедқали қажы Салықтегі  мен мешіттің ұстазы Рысбай Асыл Көкешұлының ұйымдастыруымен өткен шараға 8-32 жас аралығындағы шәкірттер қатысты. Мешітке келетін шәкірттерден іріктелініп алынған 10 сайыскер Құран сүрелері мен тәжуид ережелерінен бақ сынасты. Жарыс барысында оқ бойы озық келіп, жүзден жүйрік болып 10 жасар Ышық Асадулла бас жүлдені жеңіп алды. Жүлделі орын алған шәкірттерге Қарағанды облысының өкіл имамы Өмірзақ қажы Қазкенұлы атынан алғыс хат пен Құран кітабы сондай-ақ, қосымша діни кітап және қаржылай  сыйлық табыс етілді. Қарағанды облыстық орталық мешітінің наиб имамы Жақия Мерей алғысжеңімпаздарға хаттарды табыс етіп, жамағатты қасиетті Миғраж түнімен құттықтады. Жас шәкірттерге сауат ашуды еш тоқтатпай, елдің елеулі азаматтары болуды тіледі.