Сәлеметсіз бе!

«Тамыр ұстау» немесе медицина тілімен айтқанда «тамыр диагностикасы» - медицинада бар тәсіл. Бірақ, кейбір медицина мамандарының айтысына қарағанда тамыр диагностикасы арқылы қойылған диагноз әрдайым дұрыс шыға бермеуі мүмкін, сондықтан да, қосымша тексерістен өткен дұрыс.

Ал, шариғи тұрғыда айтар болсақ, тамыр ұстау арқылы ауруды анықтау ісі, егер тәжірибе мен біліктілікке сүйенетін дәрігер тарапынан жүзеге асып жатса, оған барып тексерілудің ағаттығы болмас. Ал, тылсым әлеммен байланысы бар, «аталарым», «әруақтарым білдіреді» дейтін тәуіп, бақсылар тарапынан жүзеге асырылатын болса, бармаған дұрыс. Аллаһу аъләм. Ең дұрысы – Аллаға мәлім!