Намаз оқып тұрған кісі бір нәрсені құлаққа естілердей дауыс шығарып үрлесе, намазы бұзылады дейді Имам Ағзам Әбу Ханифа мен Имам Мұхаммед (Алла ол екеуінен разы болсын).  Ал,  дауыс шығармай, естілмейтіндей үрлесе, намазы бұзылмайды, бірақ мәкруһ болады.

Имам Әбу Юсуф бойынша, екі жағдайда да намаз бұзылмайды, өйткені «үрлеу» - адамдардың әдет-ғұрпында «сөз» болып саналмайды, ол да еріксіз жөтелу , аздап тамақ қырнау сияқты дейді Ол (рахимаһуллаһ).

Алайда, Ханафи мәзхабында дұрыс деп, Әбу Ханифа  мен Имам Мұхаммедтің тұжырымы қабыл етілген[1]. Ең дұрысы – Аллаға мәлім!