Уағалейкумуссәләм уә рахматуллаһи уә бәракәтуһ!

Тісті емдеу барысында пломбаның орнын қазып дайындау үшін және тісжиегін құрту үшін арнайы медициналық аспаптар қолданылады. Бұл аспаптарды қолдану барысында ауызға жиі су шашылып отыратыны белгілі. Ауызға құйылған су еріксіз жұтылып кетіп жататын кездер болады. Кейде жұтылғанын емделушінің өзі сезбеуі де мүмкін. Сондықтан да, аса қатты мазаламайтын тістің емін Рамазан айынан кейінге қалдырған абзал. Ал, ауырып мазаңызды алып жатса, емдетуге рұқсат. Емдеу кезінде су немесе қан жұтылып, ораза бұзатын жағдай орын алған болса, Рамазан айынан кейін бір күн қазасын өтеп аласыз.