Пітір садақасын туған бауырына берген абзалырақ. Өйткені, өзгеге бергеннен, өз бауырына беру - екі есе сауап делінген. Бастысы бауырыңыз тұрмысы нашар, ақшаға мұқтаж мұсылман жан болуы тиіс. (Пітір садақасы – кедейдің ақысы. Ол тұрмысы нашар мұқтаж жанға беріледі). 

Аталмыш мәселеге байланысты ардақты Алла елшісі Мұхаммед ғалейһиссәләм былай деген:

«Міскінге берілген садақа – бір садақа, ал жақынына берілген садақа – екі садақаның орнын басады. Оның бірі – берілген садақаның сауабы болса, екіншісі – туыстық байланыс орнатқаны үшін берілетін сауап»[1].