Уағалейкумуссәләм уә рахматуллаһи уә бәракәтуһ!

Бисмилләһир рахманир рахим

«Жұма күні намазға дейін құрбан шалуға болмайды» деген түсінік - Ислам дінінің «шиіт» ағымында бар. Олар оған байланысты өздерінің имамдарынан жеткен мынадай риуаятты келтіреді: «Алла елшісі (с.а.у.) жұма күні намаздан бұрын қан ағызып, мал союды мәкруһ санады, бірақ мәжбүрлік болса, ол басқа» делінген¹. Алайда, бұл риуаят «Сунниттік» хадис жинақтарында орын алмаған және хадистің растығында күмән бар.

Сондықтан да, Ислам дінінде жұма күні мал сойыла береді, оның діни тұрғыда әбестігі жоқ. Бірақ жұма намазына кешігіп қалмас үшін, мал сою ісін ертерек қамданған жақсы. 

Осы тұрғыда "Құрбан айт күні малды қашан соямыз?" деген де сауал келуі мүмкін. Оған қатысты айта кетелік: Құрбан айттың бірінші күні құрбан шалатын кісі құрбанын "айт намазы" оқылып болғаннан соң, шалулары тиіс. Айт намазы оқылмай тұрып құрбан шалынбайды. 

Аллаһу аъләм.