ЖАЛҒЫЗДЫҚ (ЛЕРМОНТОВТАН)
ЖАЛҒЫЗДЫҚ (ЛЕРМОНТОВТАН)
9 ай бұрын 1916
Абай Қалшабек

Жалғыздық (Лермонтовтан)

 

Өмірдің сұмдық расында

Жалғыз өткізген сәттері.

Қуансаң бәрі қасыңда,

Қайғырсаң досың жоқ тегі.

 

Жалқымын мұнда мен зарлы,

Қайғы, мұң қысқан жанымды.

Тағдырға мойын ұсынған

Өткен күн бейне сағым-ды.

 

Келеді қайтып сол жылдар

Алтындай ескі арманмен.

Қазулы көрім алдымда

Не табам жерде қалғанмен.

 

Ол үшін ешкім құлазып,

Жыламас кәміл сенімім.

Туылғанымнан да әрі асып,

Қуантар менің өлімім.

*****

Болашаққа қорқынышпен қараймын 
(Лермонтовтан)

Болашаққа қорқынышпен қараймын,

Өткен күнім қайғы-мұңға малынған.

Өзімді-өзім қарақшыға  балаймын,

Мойынына дар тұзағы салынған,

(Жаны ашитын бір жан іздеп тарынған.)

 

Жан- тәнімен берілудің мысалын,

Ұқтыратын жан бар ма екен қасымда?!

Өтіп кеткен өміріме құсамын,

Үмітімді өшіргесін жасымда.

 

Мен фәниге бердім қиып барлығын,

Зұлымдықты, ізгілік пен мейірдің,

Енді өткеннің жиып барлық зар-мұңын,

Жаңа өмірді бастауға шын бейілмін.

 

Мен бейне бір таусылған жан амалы,

Арасында қалып қойып сағымның.

Құтылатын келер ме екен хабары?!

Суық ұрған миуадай жанымның 

Ақпарат дереккөзі: https://massaget.kz 

0 пікір