Араб елінде адамды жұмысқа аларда жынысы мен нәсіліне қарап бөлуге тыйым салды
|
Біріккен Араб Әмірліктерінде жұмыс істейтін компанияларға жұмысшыларды іздестіргенде олардың жынысы мен нәсіліне қарап, алалауға тыйым салды. Аталмыш елдің маман ресурсы министрлігінің мәлімдемесінде айтылғандай, жұмыс іздеушілерге мұндай талап қою адамды нәсіліне, ұлтына және жынысына қарап, кемсітумен бірдей әрекет ретінде бағаланады. Аталған ел билігі мұндай қадамға әлеуметтік желілердің бірінде жарияланған, балалар бақшасына "тегі еуропалық ақ адамды" жұмысқа алатындары туралы хабарландыру түрткі болған.