Қарулы қақтығыс пен саяси қуғын-сүргіннен бас сауғалағандар қарасы биыл 80 млн-нан асқан. Бұл дерек Біріккен Ұлттар Ұйымының Босқындар ісі жөніндегі жоғарғы комиссар басқармасының Женевада жарияланған баяндамасында келтірілген. Босқындардың дені соғыстан сансыраған Сирия, Конго демократиялық республикасының, Сомалидің және Йеменнің азаматтарынан тұрады. 2020 жылдың алғашқы жартысында өз туған жеріне оралған босқындардың қарасы өткен жылдың алғашқы жарты жылдығындағы көрсеткішпен салыстырғанда 22%-ға кем болған. Ал өзге елдерден пана сұраған өтініштер үштен бірге қысқарған. Жұқпалы індет пандемиясына байланысты.