Орта Азияның жасанды зерде қауымдастығының төрағасы Владимир Норов Өзбекстанда халықтың шамамен 15-20 пайызы діни сеніміне байланысты дәстүрлі несие жүйесін пайдаланбайтынын жеткізді. Бұл жайында islam.kz порталы өз кезегінде Рodrobno.uz ақпарат көзіне жөн сілтеген Islam-Today сайтына сілтеме жасай отырып мәлім етеді. Сарапшы мұндай деректі Ташкент қаласында өткен халықаралық PLUS Digital Uzbekistan форумында келтірді. Бұл шара барысында сарапшылар Орта Азия елдеріндегі исламдық қаржыландыру мен исламдық банкингтің проблемалары, мүмкіндіктері мен болашағын талқылады. Владимир Норовтың айтуынша, азаматтардың 75%-ы және кәсіпкерлердің 61%-ы исламдық қаржыландыру жүйесіне жүгінуге дайын екенін атап өтті.