Филиппин президенті Родриго Дутерте ел конгресінен елдің оңтүстігінде әскери жағдай режимін ұзатруды сұрады. Террористермен күресті жалғастыру үшін. Бұл жауапты істе мемлекет басшысы погон таққан ер-азаматтарға ғана емес, сонымен қатар, филиппин әскерінің бірыңғай шариғат шәлісін жамылған әйелдерден құралған өзгеше бөлімге де сенім артып отыр. Мұсылман әйелдерден тұратын сарбаздар Филиппин әскерінің ажырамас бөлігі. Олар отандастарын лаңкестерден және бүлікшілерден қорғайды. Биыл, яғни осы жылдың басында 102 әйелден тұратын рота содырлар шабуыл жасаған Марауи қаласына тартылған болатын. Аталған қала басшысы да ер-азаматтарға қарағанда әйелдерге сенім артатынын жасырмады.