Саудия билігі 2030 жылға қарай жалпы ішкі өнімдегі туризм үлесін он пайызға жеткізуді көздеп отыр. Бұл жайында islam.kz порталы өз кезегінде аталған араб елінің туризм министрі Ахмет әл-Хатыб мәлімдемесіне жөн сілтеген SPA ресми ақпарат агенттігіне сілтеме жасай отырып мәлім етеді. Осы мақсатты жүзеге асыру үшін ел бюджетіне 200 млрд доллар құйылады. Осылай деген ол шетелдік азаматтарға туристік виза беру жеңілдетіліп, кедендік рәсімдерді  жұмсартылатынын жеткізді. Саудия билігінің бұл қадамы да ел экономикасын мұнайға тәуелділіктен құтқару, яғни, экономиканы әртараптандыру аясында жасалып отыр.