Aviation H2 компаниясы 2023 жылдың орта шенінде сутегі мен аммиак қосындысымен, яғни, гибридті отынында жұмыс істейтін электр стансасы бар ұшақтың алғашқы сынақ нәтижесін жариялады. Бұл жайында islam.kz порталы techcult ақпарат көзіне сілтеме жасай тыып мәлім етеді. Бәсекелестерін артқа қалдыру ықтималдылығы жоғары мұндай отынмен ұшатын алғашқы коммерциялық рейс болайын деп тұр. Бұл технологияның басты артықшылығы – ол қолданыстағы ұшақтар мен олардың реактивті қозғалтқыштарын жаңартуға жарамды. Сутегі газ тәрізді түрінде қауіпті болып келеді, дәлірегі, жарылыс тудыру қаупі жоғары, ал мұндай қатердің бетін төмендету үлкен шығынды қажет етеді, сол себепті, ең оңтайлы жолы – сутегін аммиакқа айналдыру. Гибридті отынды, яғни, аммиак түрінде тасымалдау кезінде цистерналарда сақтау үшін пайдаланылады, ал қозғалтқышқа жеткізілген кезде ол негізгі компонент ретінде жанатын сутегінің бөлінуімен бөлінеді. Aviation H2 инженерлері бұл тәсілдің шын мәнінде ұшақтарға жанармай құю үшін бар барлық инфрақұрылымды сақтауға мүмкіндік беретінін алға тартып отыр, тек оны сәл жетілдіру керек. Күрделі және қауіпті сутегі отын элементтерін жобалаудың орнына осы нұсқа қолайлы. Алайда, аммиактың бір кемшілігі – ондағы сутеі азотпен байланысқан, олар реакцияға түскенде аса қауіпті азот оксиді пайда болады. Оларды атмосфераға шығаруға болмайды, яғни, экологиялық отын түрі болудан қалады, міне, осындай себептерге байланысты мамандар арнайы сүзгі жасаумен айналысып жатыр. Қозғалтқыштың өзі сутегімен жұмыс істеуі сәтті жүзеге асырылған, яғни, сутегімен жұмыс істейтін қозғалтқышы бар ұшақ ретінде дайын. FalconAir компаниясы бұл тарапта чартерлік тасымалдау бойынша келісім-шартқа отырып үлгерді. Сынақтан өтетін ұшақ та таңдалды - бұл 9 орынды Dassault Falcon 50 бизнес-джет, оның үш қозғалтқышы бар, бірақ, ол екеуімен де ұша алады. Бұл сізге бір жаңа қозғалтқышты орнатуға және оны артық қатерге бармай-ақ тексеруге мүмкіндік береді. Aviation H2 директоры Кристоф Майер түсіндіргендей, әлемде бірнеше мыңдаған сағат ұшақаннан кейін реактивті қозғалтқыштары күрделі жөндеуді қажет ететін көптеген шағын ұшақтар бар. Қозғалтқыштарды сутегімен жұмыс істеуге түрлендіру өз кезегінде инвестициялық тұрғыдан тартымды және көміртектен мүлдем ада дәуірді жақындатады.