Осы орайда, ҚМДБ-ның Қызылорда облысы бойынша өкілдігі, орталық «Ақмешіт-Сырдария»  мешітінің ұйымдастыруымен Қызылорда қаласындағы орталық бейітте сенбілік өткізілді.

Шараға өкіл имам Омаров Талғат Сейіткәрімұлы басшылық жасап, сенбілікке қатысушыларға сауапты істер, тазалық жұмыстары жөнінде насихатын жеткізіп, жыл сайын қолға алынып отырған сауапты іске ұйытқы болып,  тазалық  жұмысына жұмыла  атсалысқан барлық мұсылмандарға ризашылығын білдірді.

Өз насихатында бас имам  тазалық – иманның жартысы екендігін ұғынған ата-бабаларымыз қабірдің айналасын таза ұстау мұсылмандығымыздың бір белгісі деп білгендігін де баса жеткізді.

Сонымен қатар, бейіттегі марқұмдардың рухына арналып қасиетті Құран бағышталды.

Қатысушы тұрғындар, жастар бейіт айналдасындағы қоқыстарды жинастырып, артық шөптерін жұлып, толық тазартудан өткізді.