Әссәләмуғалейкум! Намазда фатиха сүресін оқуды ұмытып, қосымша сүрені оқып, сосын артынша фатиханы оқитын болса, яғни, әуелі қосымша сүрені оқып, кейін артынша фатиханы оқыса, сәһу сәжде жасау керек пе? Рахмет.
Ғани
|
Намазда қосымша сүрені фатихадан бұрын оқыса, не істейді?
|
Уағалейкум әссәләм, Ғани! Намазда әуелі фатиха сүресін, одан соң екінші кезекте қосымша сүрені оқу – уәжіп. Егер, намазда фатихадан бұрын қосымша сүре оқылса, қайтадан фатиханы және одан кейін қосымша сүрені оқиды. Намаз соңында сәһу сәждесін жасайды[1].
Осы тұрғыда мынаны да айта кетелік, фатиха сүресін оқыған, оқымағандығына күмәнданса не істейді? Ондай кезде қараймыз:
- Егер, әлі қосымша сүре оқылмаған болса, онда, фатиханы оқып, артынша сүре оқылады.
- Қосымша сүре оқылып қойылса, «фатиха оқылды» деген үкімге тоқтайды да, әдеттегідей намазын жалғастыра береді[2].
[1] Ибн Ғабидин, Раддул Мухтар 3/198 бет; Фәтәуә әл-Һиндия, 1/79 бет.;
[2] Ғылымхал, Омер Насухи Билмен.
