«Рамазанда тозақ есіктері жабылатын болса, күнә істеп жүрген біреу Рамазан айында қайтыс болса, жұмаққа кіре ме?»
«Рамазанда тозақ есіктері жабылатын болса, күнә істеп жүрген біреу Рамазан айында қайтыс болса, жұмаққа кіре ме?»
10 ай бұрын 3501

Рамазан айы Алланың кешірімі еселенетін ай деп жатады. «Тозақтың есіктері жабылады» дейді. Күнә жасап жүріп осы айда қайтыс болып кетсе, пейішке кіре ме?

Уағалейкумуссәләм уә рахматуллаһи уә бәракәтуһ!

Алла елшісінің (саллаллаһу алейһи уә сәлләм) «Рамазан айы келгенде жұмақтың есіктері ашылып, тозақтың есіктері жабылады және шайтандар кісенделеді» - деген хадисіндегі «тозақтың есіктері жабылады» деген сөзді біраз дін ғалымдары астарлы тұспал сөз деп түсінген. Пайғамбардың (с.а.у.) "жұмақ есіктері ашылады" дегені – ізгі істер көбейіп, көп халық ғибадатқа ден қояды деген сөз, ал «тозақ есіктері жабылады» дегені болса – Рамазанда жаман және харам істер азаяды дегенге саяды дейді кей ғалымдар. Алайда, бұл сөзді тұра мағынасында қабылдаған ғұламалар да болған[1].

Сондықтан да, намаз оқымайтын, ораза ұстамайтын, күнәкар пенде Рамазан айында қайтыс болса, пейішке кіре ме, дегенге нақты жауап айту қиын, өйткені бұл нәрсе Алла Тағалаға ғана мәлім дүние. Бірақ жалпылама риуаяттарға қарай отырып: «жүрегінде иманы бар әрі кісі ақысын жемей, ешкімге зұлымдық жасамаған кісінің күнәларын Рамазан айының құрметіне кешіріп, пейішке кіргізуі мүмкін» деп болжауға болады. Аллаһу аъләм. Ең дұрысы – Аллаға мәлім!


[1] Имам Суюти: “әдДибәж аля сахихи Мүслим ибниль Хажжәж». (14) 2547.

Абдусамат Қасым