Уағалейкумуссалам! «Тәһәжжүд» сөзінің бір мағынасы – қысқа ұйқыдан кейін ояну дегенді білдіреді. Демек, түннің бір уағында ұйқыдан оянып оқыған абзал. Деректерде келген бір риуаят бойынша Хажжәж ибн Омар деген сахаба былай дейді: «Түннің барлығын ояу өткізсе, тәһәжжүд оқыған болып саналады деп ойлайсыңдар ма?! Шынында тәһәжжүд – қысқа ұйқыдан кейінгі намаз, қысқа ұйқыдан кейінгі намаз, қысқа ұйқыдан кейінгі намаз!»[1].  

Сондай-ақ, Исра сүресіндегі тәһәжжүд намазы жайында айтылған аятты да тәпсіршілер «ұйқыдан кейін түннің бір уағында оқылатын намаз» деп түсіндірме берген[2].

Демек, аталмыш нәпіл намазын оқығысы келген кісі әуелі ұйықтап, кейін түннің бір уағында (таң намазы кіргенге дейінгі уақыт ішінде) оянып тәһәжжүд оқиды. 

[1] Тәфсируль Құртуби, Исра сүресі – 79 аят түсіндірмесі.
[2] Тәфсирут Табари; Тәфсируль Бәғәуи; Тәфсиру Ибни Кәсир, Исра сүресі – 79 аят түсіндірмесі.