Осы аптада Біріккен Араб Әмірліктерінің астанасы – Әбу-Даби қаласында әлемдегі аса ірі халықаралық кітап көрмесі өз жұмысын бастады. Бұл жайында  "Arabian Business» басылымы хабар таратты.  Әлемнің әр түкпіріндегі елу елден ширек ғасырдан бері, яғни, 25 жылдан бері қатарынан өтіп келе жатқан осы маңызды шараға арнайы ат арытып келген жүздеген баспагерлер өз өнімдерін жұртшылықтың назарына ұсынуда. Кітап жәрмеңкесі бір апта уақытқа созылады. Меймандар мен оқырмандар осы шараның аясында түрлі семинарларға, тұсаукесерлерге қатысып, театрландырылған қойылымдарды тамашалай алады.