Владивосток қаласындағы Некрасов көшесінде төтенше оқиға орын алды. Анасының көз алдында жетінші қабаттан құлаған ұл баланың аман қалуына астыңғы қабаттағы көршінің кондиционері себеп болған. VL.ru ақпарат көзінің хабарына қарағанда, анасы баласының бетіне сабын көпіршігін үрлеп, ойнатып отырған. Осы кезде бала сабын көпіршігін ұстаймын деп терезе жақтауына шығып кеткен. Одан арғысы белгілі. Анасы баласын ұстап үлгере алмай қалған. Баланы көршілері ақ жайма төсенішті арқан ретінде пайдаланып, құтқарып қалды. Баланың бұғанасы сынған әрі миы шайқалған. Бала қазіргі уақытта емханада жатыр. Полиция оның анасына балаға жеткілікті деңгейде көңіл бөліп қарамағаны үшін айыппұл салуы мүмкін.