Ресей Федерациясының мемлекеттік думасының депутаттары тарапынан картамен бал ашуға заң жүзінде тыйым салу туралы ұсыныс айтылды. Бұл жайында islam.kz порталы өз кезегінде Telegram әлеуметтік желісіндегі Shot арнасына жөн сілтеген IslamNews ақпарат көзіне сілтеме жасай отырып мәлім етеді. Ресей депуттарының айтуынша, картамен бал ашу арқылы табыс табу да алаяқтықтың бір түрі. Бұл бағытта Андрей Савин есімді депутат балгерлер мен көріпкелдер қызметіне толық тыйым салу керектігін алға тартып отыр. Оның ойынша, болашақты болжау отбасы құндылықтарына қайшы келеді. Осыған орай ақылы негізде картамен бал ашу туралы ұсыныстар жарияланған барлық интернет ресурсты бұғаттау керектігін да ұсынды.