Ауған билігіндегі тәліптер радикалды қозғалысы (Біріккен Ұлттар Ұйымының қарарымен террористік ұйым ретінде танылуына байланысты әлемнің көптеген елінде, соның ішінде Қазақстан аумағында насихаты мен қызметіне тыйым салынады – ред.) кей санаттағы тұлғаларға төлқұжат беруде шектеу енгізілетінін жариялады. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Дәлірегі, ауғанның ішкі істер министрлігі ел аумағынан шығуға тыйым салынған тұлғаларға төлқұжат берілмейтінін атап өтті. Соның ішінде азаматтық құқық бұзғандар мен экономикалық қылмысқа барғандар шетелге шығу мүмкіндігінен айырылады.