Ғаламторда Қытайдағы банктердің бірінде қызметкерлерді елдің көзінше таяқтап жазалағаны турасында бейнежазба жария болды. Қаржы мекемесінің қызметкерлерінің жазаланғаны сәті қалта телефонының таспасына тартылған екен. Артынан әлеуметтік желіге жүктелген. Сахнадағы жүргізуші әр қызметкердің жұмыс нәтижесін айтып, қолындағы таяғымен ұрып соққан. Бұл ролик өз кезегінде ғаламтор пайдаланушыларының ашу-ызасын тудырды. Оның үстіне, аталған банк басшысының видеоның жасанды емесін айтып, отқа май құйғандай етті. Сондай-ақ, банк басшысы қызметкерлерді таяқтау жазалаудың тек бір түрі ғана екенін мәлімдеді. Тағы 16 қызметкердің шаштарын тақырлап алдырып тастаған.