Ақ үйдің ендігі қожайыны Дональд Трамп жарлығымен елге енуге шектеу енгізген 7 мұсылман мемлекетінен АҚШ аумағына келгендер қатаң тексеруден өтеді. Оның ішінде, олардың телефон байланыстары мен әлеуметтік желідегі жазбалары сүзгіден өткізіледі. АҚШ-тың ішкі қауіпсіздігіне жауапты министр Джон Келлидің айтуынша, жоғарыда сөз болған жеті мұсылман елдерінен (Иран, Ирак, Ливия, Сомали, Судан, Сирия және Йемен) виза сұрағандарға қатысты осындай қатаң шаралар жүзеге асырылады. Бұл жайында ansar.ru порталы Al Jazeera ақпарат көзіне сілтеме жасай отырып, хабар таратты.