Біріккен Ұлттар Ұйымының Қауіпсіздік кеңесі өткен аптада бірауыздан қарар қабылдады. Аталмыш құжатта азаматтардың қандай да бір себеппен жанжал оты тұтанған шетелге шығуына тыйым салынады. Бұл жайында Reuters ақпарат көзі хабар таратты. Бұған қоса, құжатта айтылғандай, әскери топтарға қосылуына тікелей ықпал еткен және оны қолдағандар заңмен қудалануы тиіс. Бұл қарардың қабылдануына ИСИМ содырларының сойқаны түрткі болды. Сарапшылардың мәлімдеуінше, әлемнің 70-тен аса елінен 12 мыңдай адам Сирияда экстремистер жағында соғысып жүр. Бұл құжатты қабылдауды АҚШ тарапы ұсынды. Ол өз сөзінде экстремизмнің алдын алу нақты қадамдарға барудың маңыздылығы мен қажеттілігіне тоқталды.