Біріккен Ұлттар Ұйымының Қауіпсіздік кеңесінің жаңартылған құрамы өз жұмысын 2015 жылдың қаңтар айының 1-нен бастады.

БҰҰ-ның ең биік мінбері болып саналатын Қауіпсіздік Кеңесіне биыл бес мемелекет, атап айтқанда, Ангола, Малайзия, Венесуэла, Жаңа Зеландия және Испания елдері тұрақты емес мүше боп енді. Өткен жылдың, яғни, 2014 жылдың желтоқсан айының 31-і күні құзырет мерзімі аяқталған Руанда, Оңтүстік Корея, Аргентина, Австралия және Люксембург елдері аталған мемлекеттерге өз орнын босатып берді. Иордания, Литва, Нигерия, Чад және Чили мемлекеттері тағы бір жыл бойы БҰҰ-ның Қауіпсіздік Кеңесінің тұрақты емес мүшесі болып қалады.