Ресей Федерациясының ғылым және жоғарғы білім беру министрлігінің бұйрығымен дінтану (теология) білім саласы ретінде жаңа ғылыми мамандықтар номенклатурасына енгізілді.  Бұл жайында islam.kz порталы islam-today ақпарат көзіне сілтеме жасай отырып мәлім етеді. Аталған номенклатураға сай дінтану әлеуметтік және гуманитарлық ғылым саласына жатқызылып отыр, осыған байланысты дінтану үш негізгі жаңа мамандықты қамтиды: «Теориялық теология», «Тарихи теология» және «Нақты теология». Аталған үш мамандықта үш зерттеушілік бағыт белгіленді: ислам, православ және иудалық.