Таяу шығыс аймағына танымал саудиялық дипломат Мұхаммед әл-Кахтани Мысыр астанасы – Каир қаласында өткен Араб-Африка конференциясында мінберден сөз сөйлеп тұрып дүниеден озды. Бұл жайында islam.kz порталы араб бұқаралық ақпарат құралдарына және Tahiamasr ақпарат ресурсына сілтеме жасай отырып мәлім етеді. Марқұмның соңғы сөзі Жаратушы турасында болған: «Жаратушысын сау жүрекпен қарсы алудан асқан құндылық жоқ». Дипломат алдымен есінен танып қалған. Жанында кардиолог дәрігер зайыбы болған. Оған алғашқы медициналық жәрдем көрсетілгенімен оның көмегі болмады. Дипломаттың қазасына байланысты аталған шара тоқтатылды.