Қытайдағы қазақтар жиі қоныстанған Іле облысы Нылқы ауданында тұратын Ерлан есімді азаматтың үйінде екі басы, үш құлағы бар бұзау төлдеді. Бұл жайында nur.kz сайты Qamshy.kz ақпарат көзіне сілтеме жасай отырып, хабар таратты.

[Ерланның айтуынша, сиыр төлдейтін уақыты келсе де үш күн төлдей алмай қиналып жүрген. "Басында біз малды ауырып қалды ма деп ойладық, бірақ, қандай да бір аурудың белгісін таппадық", - дейді Ерлан.

"Туу барысында мал қатты қиналып, өлуге жақындаған соң, бауыздап алдық. Сою барысында әлгіндей жағдайды көріп жағамызды ұстадық. Сиырдың ішін жарғанда екі басы, үш құлағы бар бұзау шықты", - деді малдың иесі.

"Заманның азғаны мен қоршаған ортаның ауыр деңгейде ластанғаны да бұған себеп болуы мүмкін", - дейді Ерлан.