Грекия тұрғындары интернетке жасырын кіру және шығу мүмкіндігінен айырылуы мүмкін. Аталған ел билігі заң жүзінде интернеттегі жасырын аккаунтарға тыйым салуы мүмкін. Бұл жайында islam.kz порталы YeniSafak ақпарат көзіне сілтеме жасай отырып мәлім етеді. Грекияның цифрлы басқару министрі Димитрис Папастергиу осындай бастама көтеріп отыр. Оның мәлімдеуінше, бүгінде кез келген адам интернетте өз әрекетінің салдарын ойламай, біреуге жала жауып, тіл тигізе алатын мүмкіндікке ие. Қоғамды алауыздық араздыққа бастайтын, ел арасында жік салатын арандату әрекеттерінің алдын алуда маңызы бар бұл қадам екінші жағынан интернет пайдаланушыларды ойын еркін жеткізу мүмкіндігіненн айырады.