Аптасына бір рет шығатын атышулы CharlieHebdo сатиралық басылымына шабуыл жасалғаннан кейін бір аптаның ішінде Францияда мұсылмандарға елуден аса шабуыл жасалған. Франциядағы исламофобияға қарсы топтың мүшесі Абделла Зекраның айтуынша, аталған мерзім аралығында мұсылмандар ғимаратына гранат лақтырудан 21 оқиға, сонымен қатар, мұсылмандарды қорқытып-үркітудің 33 оқиғасы тіркелген. Ол осы дүйсенбіде елдің ішкі істер министрілігінің осындағы еврейлерді қорғау үшін қосымша 4700 полиция қызметкерін жұмылдырғанын айта келіп, мұсылмандарды шетқақпай қылғанын жасырмады.