Геофизиктер әлем бойынша өзен-сулар маңында тұрып жатқан 500 миллионннан астам адамға қауіп төндіріп отырған апатты ескертті. Аталған зерттеу «Science Advances» журналында жарияланған. Мамандар зертханада жаһандық жылынудан болуы мүмкін су тасқынын бейнелеген. Алған мәліметтерге сәйкес, су басу қаупі адамдар өмір сүріп жатқан көптеген аралдарға төніп отыр. Геофизиктер су тасқынын өзен салаларынан өткізіп, су ағу механизмін де зерттеді. Ғалымдардың шамалауынша, зерттеу қорытындылары миллиондаған адамның өмірін сақтап, табиғи апат салдарынан болатын шығынды азайта алады.