Тамыз айының 15-і күні Иранның сот билігінің жетекшісі Ибрагим Раис халықаралық ислами сот құрудың қажеттілігі мен маңыздылығына тоқталды. Бұл жайында islam.kz порталы парсы елінің IRNA ақпарат көзіне сілтеме жасай отырып, мәлім етеді. Бүкіл әлемдік адам құқығы күндеріне орай Теһран қаласында өткен шарада осындай мәлімдеме жасаған Иран сотының жетекшісі мұсылман елдері арасында бекітілген адам құқығы жөніндегі деклрацияда адамдардың құқықтық тұрғыдан қорғалуын қамтамасыз ететін тетіктер қамтылуы керектігін алға тартты. Дәлірегі, оның айтуынша, мұсылман елдеріндегі адамның құқығы дінге және діни құндылықтарға негізделуі тиіс.