Канаданың Колд Лейк қаласындағы ислам орталығына вандалдар шабуыл жасап, барлық терезесін шағып, қабырғасын айғыздап кеткен. Айғыздап кеткенде де «елден кетіңдер» деп қоқан-лоққы көрсеткен. Жергілікті тұрғындар осы қаладағы мұсылман жамағатына қолдау көрсету үшін ислам орталығы ғимаратының қабырғасындағы жазуды өшіріп, оның орнына «сіз өз үйіңіздесіз» деген жазу жазылған плакат іліп тастады. Сондай-ақ, қала әкімі Крэйг Коуплэнд те келіп, вандалдардың әрекеті үшін мұсылмандардан кешірім сұрады. Бұл жайында  Global News ақпарат көзі хабар таратты.