Ғалымдар жер бетіндегі ауасы ең таза аймақты атады. Бұл Оңтүстік мұхит болып шықты. Оның үстіндегі ауада аэрозолдардың (ауадағы бөлшектер немесе сұйық тамшылар) деңгейі төмен. Бұл жайында islam.kz порталы knife.media ақпарат көзіне сілтеме жасай отырып мәлім етеді. Бұған фитопланктон деп аталатын сол өңірде өсетін кішкентай өсімдік тектес организмдерді қоса алғанда бірқатар факторлар әсер етеді. Олар ауадағы сульфат бөлшектерінің көзі болып табылады. Оңтүстік мұхит жер бетіндегі ең бұлтты өлке ретінде алға шығады. Сонымен қатар, ауа сапасына да әсер ететін ақ жауын жиі жауады.