Алдағы уақытта кәмелет жасына толмағандарға уағыз айтқан имам абақтыға жабылатын болады. Қырғыз билігі жат ағымдардан сақтанып, ел қауіпсіздігін қамтамасыз ету үшін осындай шешім қабылдады. Осы мәселеге байланысты заң жобасы республика парламентінде мақұлданды. Бұдан былай 18 жасқа толмағандарға уағыз айтқан имам 3 жылдан 5 жылға дейін бас бостандығынан айырылуы мүмкін. Бір қызығы, аталмыш заңда тек имамдарға ғана емес, сонымен қатар, үйленіп қойған жасөспірімдерге де, олардың некесін қиғандарға да, сондай-ақ, олардың ата-аналарына да жауапкершілікті күшейткен.