Ватиканда жоғары лауазымды тұлға - кардинал Курт Кох өзінің католиктік наным-сенімі бойынша «қараңғылықта қарманып жүрген» мұсылмандарды да шоқындырып, христианға айналдыруды парызым деп санайды. Оның ойынша, иудейлер «таңдаулы халық» болғандықтан оларды христианға айналдырудың қажеті жоқ. Ол ол ма, ол христиандарды иудейлерге «анасы» секілді қарауға шақырған. Бұл жайында «IslamNews» порталы «The Telegraph» ақпарат көзіне сілтеме жасай отырып, хабар таратты. Кардинал бұл арандатушылық пен араздыққа бастайтын мәлімдемесін Ватиканда өткен католиктер мен иудейлер арасындағы екі күнге созылған келіссөзден кейін жасады.