Самарқандағы күллі әлемге әйгілі Регистан кешенінде орналасқан «Шердор» медресесінің фото-суреті Жапониядағы орта білім беретін мектептің 9-12 сынып оқушыларына арналған «Бүкіл әлемдік тарих» оқулығының мұқбасында бейнеленген. Бұл жайында islam.kz порталы өз кезегінде Өзбекстанның мұсылмандар діни басқармасының баспасөз қызметіне жөн сілтеген Islam-today ақпарат көзіне сілтеме жасай отырып мәлім етеді. Хабарға қарағанда, аталмыш оқулық күншығыс еліндегі аса ірі «Yamakawa Shuppansha Ltd» баспасында әзірленген. Бұл оқу құралы сәуір айында басталатын жаңа оқу жылында тарих оқулығы ретінде пайдланылады.