Осы сәрсенбіде Ресей Федерациясының Мемдума депутаттары діни іс-шаралар өтетін орындарды анықтауға мүмкіндік беретін заң жобасын қабылдады. Бұл туралы «Интерфакс» ақпарат көзі хабар таратты. Депутаттар қабылдаған аталмыш заң жобасына сәйкес діни іс-шаралар ендігі жерде ғибадат ғимараттарында, тіркеуден өткен діни құрылымдарға тиесілі аумақтарда, діни ұйымдардың меншігіндегі немесе оларға діни жоралғыларды өткізуге құқық беретін орындарда, зиярат ететін мазарларда, крематорияда өтетін болады. Өзге жағдайларда, яғни, қоғамдық орындарда қауіпсіздікті қамтамасыз ету мақсатында мұндай шараларды өткізу реті шеру, демонстрация және митинг жөніндегі заңда қарастырылған тәртіппен белгіленеді.