Аталған араб елінің азық-түлік қауіпсіздігін арттыруға бағытталған бұл стратегиялық жоба 5,25 млрд долларға бағаланып отыр. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Пирамидалар елінің батысындағы шөлде әлемдегі ең ұзын жасанды өзен құрылысы елдің азық-түлік қауіпсіздігін арттырып қоймай, сонымен қатар, экспорт мөлшерін көтеруге мүмкіндік бермек. Ұзындығы 114 шақырымға жететін «Жаңа Саға» деп аталатын бұл өзен құрылысының аяқталатын мерзімі айтылмаған. Ол Рауд әл-Фарағ-Дабаа жолының бойымен ағатын болады.